Decleraziun davart la protecziun da datas (agov.ch/privacy)

Servetsch d'autentisaziun da las autoritads svizras AGOV

Sche Vus utilisais il Servetsch d'autentisaziun da las autoritads svizras AGOV (en quai che suonda: AGOV), elavura quel datas che sa refereschan a Vossa persuna. L'elavuraziun ha las suandantas basas giuridicas:

Leg federal davart la protecziun da datas dal 25 da september 2020
(Datenschutzgesetz, DSG, RS 235.1)

Ordinanza davart la protecziun da datas dal 31 d'avust 2022
(Datenschutzverordnung, DSV, RS 235.11)

Ordinaziun davart ils sistems da gestiun da las datas d'identificaziun ed ils servetschs directory da la Confederaziun dal 19 d'october 2016
(IAMV, RS 172.010.59)
(tudestg).
Regla ils sistems da gestiun da las datas d'identificaziun (sistems IAM), ils servetschs da directory e l'archiv centralisà da las identitads da l'administraziun federala.

Ordinaziun davart il tractament da datas persunalas e da datas da persunas giuridicas che derivan da l'utilisaziun da l'infrastructura electronica da la Confederaziun dal 22 da favrer 2012
(VBNIB, RS 172.010.442)
(tudestg).
Regla il tractament da las datas persunalas er concernent ils servetschs da standard (tranter quels il servetsch eIAM che cumpiglia er AGOV).

Responsabel per l'elavuraziun da datas persunalas tras AGOV, che vegn descritta en questa decleraziun davart la protecziun da datas, è il Sectur TDT da la Chanzlia federala, Monbijoustrasse 91, 3003 Berna.

Vossas datas persunalas vegnan elavuradas tras AGOV per ademplir ils intents dal servetsch, en spezial per:

  • generar u preparar ina identitad electronica en AGOV per l'utilisar per Voss access ad applicaziuns colliadas da la Confederaziun, dals chantuns u da las vischnancas (enregistraziun);
  • metter a disposiziun in proceder d'autentisaziun a maun da l'identitad per AGOV per Voss access ad ina applicaziun colliada da la Confederaziun, dals chantuns u da las vischnancas;
  • Il protocol da enrolaments d'identitads AGOV e d'otentificaziuns per la retragibilitad dals correspondents processes en il marc das prescripziuns legala.
Per ils intents numnads qua survart pon las datas persunalas vegnir communitgadas a las applicaziuns colliadas da las autoritads svizras (Confederaziun, chantuns e vischnancas).

Las datas persunalas vegnan arcunadas tenor las basas giuridicas menziunadas qua survart, e quai mo uschenavant ed uschè ditg, ch'ellas vegnan duvradas per ils intents menziunads u ch'igl è inditgà e necessari sin basa da las prescripziuns giuridicas.

Il tractament da las datas persunalas tras las applicaziuns colliadas dals chantuns e da las vischnancas è reglà en il dretg chantunal e/u communal.

Tut tenor la qualitad da l'examinaziun da Vossa identitad pon esser involvidas las suandantas datas en ils process d'elavuraziun da datas descrits qua survart:

  • Voss num e prenum
  • Vossa data e Voss lieu da naschientscha
  • Vossa schlattaina
  • Vossa naziunalitad
  • Voss numer da la AVS
  • Vossa adressa postala
  • Vossas indicaziuns davart elements d'adressaziun sco e-mail e numer da telefon
  • Datas d'analisa tecnica sco il model da l’apparat duvrà, il sistem operativ, la versiun da l'app ch'èn necessarias per mantegnair in manaschi regular
Sche Vus laschais examinar Vossa identitad per AGOV en l'uschenumnada procedura BVI (brev cun verificaziun da l'identitad) da La Posta Svizra u dal servetsch d'identificaziun per video da l’interpresa Intrum, elavuran quests posts ordavant Vossas datas persunalas e las transmettan ad AGOV per l’arcunaziun.

Sche Vus avris in ticket da support en il portal d'agid AGOV help, na vegnan surpigliadas naginas datas dad AGOV. Vus vegnis supplitgads d’inditgar sezza u sez tut las datas. Questas datas èn accessiblas als posts da support AGOV da la Confederaziun, dals chantuns e da las vischnancas e vegnan duvradas per elavurar il cas da support concret. Ellas vegnan analisadas mo en moda anonimisada.

Scha ves tramettet autras communicaziuns ad AGOV tras in formulari da contact, betg vegnan ripresas datas da AGOV. Las informaziuns ch'ves inscrivas vegnan tractadas dals organ da directiun e d'exercizi d'AGOV per responder a la dumonda, garantir in exercizi regular u disviluppar AGOV pli luntsch.

Per l'elavuraziun da datas engascha AGOV – sche necessari ed observond il rom giuridic – furniturs da servetschs dad IT ordaifer l'administraziun federala.

Per proteger l'applicaziun da la web AGOV d'acziuns automatisadas nizzegia la Confederaziun ils servetschs da Friendly Captcha (tudestg).

Infurmaziuns davart la sfera privata chattais Vus sut: Disposiziuns davart la protecziun da datas per utilisaders finals (tudestg).

Per proteger formulars ordaifer l’applicaziun web AGOV sin paginas d’internet da la domena , utilisescha la Confederaziun il servetsch Cloudflare Turnstile per identifitgar e bloccar acziuns automatisadas.

Infurmaziuns davart l’elavuraziun da datas colliada cun quest servetsch chattais Vus en la decleraziun davart la protecziun da datas da Cloudflare (englais) ed en las disposiziuns supplementaras davart la protecziun da datas per Turnstile (englais).

Las persunas pertutgadas han il dretg da dumandar, sche lur datas persunalas vegnan elavuradas. La dumonda sto vegnir drizzada als posts ch'èn cumpetents per l’elavuraziun da datas e che vegnan menziunads qua survart.

Dal rest vala per la AGOV la decleraziun generala davart la protecziun da datas per las paginas d’internet da la Confederaziun: Infurmaziuns giuridicas (admin.ch).

Per infurmaziuns davart la transparenza concernent l’utilisaziun da l’intelligenza artifiziala per AGOV, vesair agov.ch/ai.